2015 jylǵy 24 sáýir, Astana qalasy
Ǵarysh qyzmeti salasyndaǵy jobalarǵa salalyq saraptamany júzege asyrý qaǵıdalaryn bekitý týraly
«Ǵarysh qyzmeti týraly» 2012 jylǵy 6 qańtardaǵy Qazaqstan Respýblıkasynyń Zańy 9-babynyń 1-tarmaǵynyń 27) tarmaqshasyna sáıkes buıyramyn:
1. Qosa berilip otyrǵan Ǵarysh qyzmeti salasyndaǵy jobalarǵa salalyq saraptamany júzege asyrý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Aeroǵarysh komıteti (T.A. Musabaev):
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdik baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin on kún jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdiń usynylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
«KELISILDI»
Qazaqstan Respýblıkasynyń Qorǵanys mınıstri
______________ I. Tasmaǵambetov
2015 jylǵy 14 mamyr
Qazaqstan Respýblıkasy Investısııalar jáne damý mınıstriniń
2015 jylǵy 24 sáýirdegi №483 buıryǵymen bekitilgen
Ǵarysh qyzmeti salasyndaǵy jobalarǵa salalyq saraptamany júzege asyrý qaǵıdalary
1. Jalpy erejeler
1. Osy Ǵarysh qyzmeti salasyndaǵy jobalarǵa salalyq saraptamany júzege asyrý qaǵıdalary (budan ári – Qaǵıdalar) «Ǵarysh qyzmeti týraly» (budan ári – Zań) 2012 jylǵy 6 qańtardaǵy Qazaqstan Respýblıkasy Zańynyń 9-babynyń 1-tarmaǵynyń 27) tarmaqshasyna sáıkes ázirlengen jáne ǵarysh qyzmeti salasyndaǵy jobalarǵa salalyq saraptamany (budan ári – jobalarǵa salalyq saraptama) júzege asyrý tártibin aıqyndaıdy.
2. Osy Qaǵıdalarda mynadaı anyqtamalar paıdalanylady:
1) ǵarysh qyzmeti salasyndaǵy joba – ǵarysh qyzmetin júzege asyrýǵa baǵyttalǵan ǵarysh tehnıkasy men tehnologııalaryn jasaý jónindegi is-sharalar jıyntyǵy;
2) ótinish berýshi – Zańǵa sáıkes Qazaqstan Respýblıkasynyń aýmaǵynda, sondaı-aq ǵarysh keńistiginde ǵarysh qyzmeti salasyndaǵy jobany iske asyrýyn júzege asyrýdy josparlaıtyn jeke nemese zańdy tulǵa.
3. Jobalardy salalyq saraptaý oryndylyǵyn, tehnıkalyq múmkindigin, ekonomıkalyq tıimdiligin, sondaı-aq Qazaqstan Respýblıkasynyń zańnamasyna, ǵarysh qyzmeti salasyndaǵy tehnıkalyq reglamentter men standarttarǵa sáıkestigin aıqyndaý maqsatynda ǵarysh qyzmeti salasyndaǵy ýákiletti organ (budan ári – ýákiletti organ) júzege asyrady.
2. Jobalarǵa salalyq saraptamany júzege asyrý tártibi
4. Jobalarǵa salalyq saraptama júrgizý úshin ótinish berýshi ýákiletti organǵa mynadaı materıaldardy qaǵaz tasyǵyshta jáne elektrondyq tasyǵyshta usynady:
1) baılanys derekteri kórsetilgen ótinish berýshiniń ilespe haty;
2) jeke tulǵanyń jeke basyn kýálandyratyn qujattyń, sondaı-aq dara kásipker úshin – dara kásipker retinde jeke tulǵany memlekettik tirkeý týraly kýáliktiń notarıaldy kýálandyrylǵan kóshirmeleri ne salystyryp tekserý úshin túpnusqasyn usyna otyryp, osy qujattardyń kóshirmeleri;
3) ǵarysh qyzmeti salasyndaǵy jobanyń negizgi baǵyttarynyń sıpattamalaryn qamtıtyn túsindirme jazba;
4) tehnıkalyq tapsyrma (bar bolǵan kezde);
5) «Memlekettik ınvestısııalyq jobanyń ınvestısııalyq usynysyn ázirleý nemese túzetý, qajetti saraptamalardy júrgizý, sondaı-aq bıýdjettik ınvestısııalardy josparlaý, qaraý, irikteý, monıtorıngileý jáne iske asyrylýyn baǵalaý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2014 jylǵy 5 jeltoqsandaǵy № 129 buıryǵyna (Normatıvtik-quqyqtyq aktilerdi memlekettik tirkeý tiziliminde № 9938 tirkelgen) (budan ári – buıryq) sáıkes ázirlengen memlekettik ınvestısııalyq jobanyń ınvestısııalyq usynystary jáne (nemese) bıýdjettik ınvestısııalyq jobanyń tehnıkalyq-ekonomıkalyq negizdemeleri jáne (nemese) bıýdjettik ınvestısııalardyń qarjylyq-ekonomıkalyq negizdemeleri.
6) zańdy tulǵa úshin - jarǵynyń jáne quryltaı shartynyń (ony almastyratyn qujattyń) notarıaldy kýálandyrylǵan kóshirmeleri, ótinish berýshini zańdy tulǵa retinde memlekettik tirkeý týraly kýáliktiń* kóshirmesi ne salystyryp tekserý úshin túpnusqasyn usyna otyryp, osy qujattardyń kóshirmeleri.
Eskertpe:* «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin berilgen zańdy tulǵany (fılıaldy, ókildikti) memlekettik (eseptik) tirkeý (qaıta tirkeý) týraly kýálik zańdy tulǵa óz qyzmetin toqtatqanǵa deıin jaramdy bolyp tabylady.
5. Qaıta salalyq saraptama júrgizilgen jaǵdaıda, materıaldarǵa buryn berilgen qorytyndynyń kóshirmesi qosa beriledi.
6. Jobalarǵa salalyq saraptama júrgizýden bas tartýǵa ótinish berýshiniń Jobalarǵa salalyq saraptama júrgizý úshin qajetti materıaldar paketin tolyq usynbaý negiz bolyp tabylady.
7. Jobalarǵa salalyq saraptama júrgizýden bas tartqan kezde ýákiletti organ joba boıynsha materıaldy alǵan sátten bastap bes jumys kúni ishinde ótinish berýshige jazbasha túrde dáleldi bas tartý jiberedi.
8. Jobalarǵa salalyq saraptama ýákiletti organǵa osy Qaǵıdalardyń 4-tarmaǵynda kórsetilgen joba boıynsha materıaldar usynylǵan kúnnen bastap otyz jumys kúninen aspaıtyn merzimde júrgiziledi.
9. Jobalarǵa salalyq saraptama nátıjesi ótinish berýshi usynǵan materıaldardy jan-jaqty taldaýǵa jáne baǵalaýǵa negizdelgen, sondaı-aq buıryqtyń talaptaryna sáıkes resimdelgen qorytyndy bolyp tabylady.
10. Jobalarǵa salalyq saraptama nátıjeleri boıynsha qorytyndyǵa ýákiletti organnyń birinshi basshysy ne ony almastyratyn tulǵa qol qoıady.
11. Eger jobalarǵa salalyq saraptama nátıjesi boıynsha ýákiletti organ joıýdy talap etetin eskertýler bergen jaǵdaıda, ótinish berýshi materıaldardy pysyqtaıdy jáne olardy qaıta salalyq saraptamaǵa usynady.
12. Bastapqy saraptama júrgizilgen kezde anyqtaǵan ǵarysh qyzmeti salasyndaǵy ýákiletti organnyń eskertýleri joıylǵannan keıin jobalarǵa qaıta salalyq saraptama materıaldar qaıta saraptamaǵa usynylǵan sátten bastap jıyrma jumys kúninen aspaıtyn merzimde júrgiziledi.
Buıryq Qazaqstan Respýblıkasynyń Ádilet mınıstrliginde 2015 jylǵy 19 maýsymda Normatıvtik quqyqtyq kesimderdi memlekettik tirkeýdiń tizilimine №11397 bolyp engizildi.